Dintlha tsa bao o ka iteanyang le bona
Seo o lokelang ho se tseba le ditokelo tsa hao ha o nka inshorense ya lepato
BOTO YA DITSHEBELETSO TSA DITJHELETE
Lefapha la Thuto ya Mosebedisi
Seo o lokelang ho se tseba ka pholisi ya lepato
Ntlha ya bohlokwa ka ho fetisisa ka PHOLISI YA THUSO YA LEPATO / PHOLISI YA SEHLOOHO ke hore pholisi e lokela ho NGODISWA ke khampani e ngodisitsweng ya inshorense. Sena ke ho netefatsa hore setho se na le tiisetso ya semolao ya ho ka tleleima ha e le hore ho hlokahala ya kentsweng inshorenseng.
MONGA PHOLISI / SETHO se lokela ho fuwa SETIFIKEITI SA BOTHO. Setifikeiti sena se lokela ho beha ka ho hlaka lebitso la underwriter (khampani ya inshorense); tjhelete e lefuwang; dibenefiti tse lefuwang; mekgwa ya ho etsa tleleimi le tsebiso e nngwe ya bohlokwa mabapi le pholisi ya sehlooho. Pholisi ya sehlooho e lokela ho hlalosa ka ho hlaka hore dimotjhari kapa diakgente tsa bona ha di sebeletse underwriter kapa khampani ya inshorense mme ka hoo ha se tsona di-underwriter.
Ho bohlokwa hore beng ba dipholisi ba tsebe hore ba na le boikgethelo ba ho nka dibenefiti tsa pholisi ka mokgwa wa tshebeletso ya lepato kapa ka tjhelete.
Setefikeiti se lokela ho hlakisa dintlha tsohle tse hlokehang tsa Monga pholisi / Setho hore se tsebe hore inshorense e qala neng ho sebetsa; ke eng e sireleditsweng le hore ke dife tse sa KENYELLETSWANG; nako ya ho leta, jj.
Ditlhaloso
THUSO YA LEPATO / PHOLISI YA SEHLOOHO
Ho bolelwa tokomane ya semolao e ntshitsweng ke underwriter / khampani ya inshorense e nang le dintlha tse mabapi le dibenefiti, ditekanyo, dipehelo le maemo mme e nang le nomoro ya pholisi, e lokelang ho hlahella setifikeiting botho.
MEKGATLO YA SETSWALLE
Mokgatlo wa Setswalle ke institjhushene ya ditjhelete e thehuweng ke sehlopha sa batho ba nang le ditlhoko tse ikgethang, ba ntshang tjhelete le ho e boloka mmoho hore ba thusane ka ditjhelete bakeng sa ditlhoko tse ikgethang, mohl. lepato. Boholo ba benefiti ke R5 000.
Mokgatlo wa Setswalle ha se kgwebo e etsang phaello, empa phaello e entsweng ho tswa tjheleteng e tsetetsweng ya ditho e arolelanwa ke ditho kaofela.
O lokela ho pheella ho fuwa setifikeiti sena ho tiisa hore o setho. Setifikeiti sena se lokela ho o bontsha dintlha tsohle tsa pholisi ya hao.
Mona ho buuwa ka khampani e fuweng matla ke underwriter / khampani ya inshorense ho sebetsa boemong ba yona ho o rekisetsa pholisi.
Khampani ya inshorense e ngodisitsweng ho Boto ya Ditshebeletso tsa Ditjhelete e fumanang ditefo tsa hao le e nang le boikarabelo ba ho lefa dibenefiti moo ho hlahileng lefu teng.
MONGA PHOLISI / SETHO
Mona ho buuwa ka wena ya lefang ditefello bakeng sa dibenefiti tsa batho ba kgethuweng ke wena pholising.
DITEFELLO
Tjhelete eo o e lefang ho underwriter ho ya ka Pholisi ya Sehlooho.
Enwa ke motho ya ikemetseng eo wena jwalo ka setho o ka iteanyang le yena ha o sa kgotsofala ka karabo ya underwriter. Dintlha tsa moo o ka iteanyang le yena di hlahella leqepheng le ka morao la bukana ena.
Underwriter / khampani ya inshorense e tla bolela dipehelo kapa mafu ka hara pholisi, ao e tla reng ha motho ya sireleditsweng a ka hlokahala ka baka la ona, ho ke keng ha le dibenefiti tse leshwang.
Dipotso tseo o lokelang ho di botsa le dintlha tse itseng tseo o lokelang ho di fumana ho tswa ho morekisi
P: Ke underwriter kapa khampani efe ya inshorense efe eo o e emetseng?
K: Bopaki bo lokela ho tswa ho motho ya rekisang pholisi mme bo be foromong ya kopo le setifikeiting sa botho seo ho fanwang ka sona.
P: Na Nomoro ya Pholisi ke eng?
K: Yona e lokela ho bonahala foromong ya kopo le Setifikeiting sa Botho.
P: Na nka kenya mang pholising?
K: Bao ke batho bao o ba kgethileng.
P: Na e lefa bokae?
K: Ena ke tjhelete eo o tlang ho e lefa mme e kenyelletsa ditefiso le ditefello tsohle. Ditefiso tsena di lokela ho bontshwa ka ho hlaka.
P: Na ke lefa ka kgwedi, kotara kapa selemo?
K: O tla lokela ho botsa hore o lefe neng?
P: Na ke lefa pele kapa hamorao?
K: O tla lokela ho botsa hore o tla lefa maqalong a kgwedi kapa (pele) kapa mafelong a kgwedi kapa hamorao.
P: Na ke lokela ho lefa jwang?
P: Ha ke lefa kontane na ke fumana rasiti?
K: E, o lokela ho nehwa rasiti e molaong.
P: Na ditefello tsena di ka nyoloha nakong e tlang?
K: Ditefello di ka nyoloha ha e le hore ho etswa ditleleimi tse ngata tlasa pholisi.
P: Na ditefello di tiiseleditswe nako ya bolelele bo bokae?
K: Sena se lokela ho hlahella Pholising ya Sehlooho.
P: Na tshireletso ya ka e qala neng?
K: Ho ka nna ha ba le dinako tsa ho leta Pholising ya Sehlooho.
P: Na dinako tsa ho leta di bolelang?
K: Tsona di tla hlahella melawaneng le dipehelong tsa Pholisi ya Sehlooho.
P: Na ho etsahala eng ha motho a hlokahetse ka baka la kotsi?
K: Hangata nako tsa ho leta ha di sebetse moo.
P: Na ho na le dintho tse sa kenyeletswang?
K: Tsona di tla hlahella melawaneng le dipehelong tsa Pholisi ya Sehlooho.
P: Na ho etsahalang ha nka tlolwa ke ho lefa kapa ka emisa ho lefa?
K: O ke ke wa ba tlasa tshireletso ya inshorense mme ha o qalella ho lefa hape, nako ya ho leta mmoho le dintho tse ding tse sa kenyeletswang di ka boela di sebediswa.
P: Na inshorense ya motho ka mong e fela neng?
P: Na ke tla fumana bopaki ba ho ba setho?
K: O lokela ho fumana Setifikeiti sa Botho le kakaretso e felletseng ya hore ke mang ya sireleditsweng, palo ya tjhelete e lefuwang, dinako tsohle tsa ho leta mmoho le dintho tse sa kenyeletswang.
P: Na nka eketsa inshorense ya ka ha morao?
K: E, o ka eketsa dibenefiti tsa pholisi ya hao ha Pholisi ya Sehlooho e dumella hoo, mme hoo o ka ho etsa nakong efe kapa efe; hoo hape ho tla eketsa ditefello tsa hao. Dintho tse sa kenyeletswang mmoho le dinako tsa ho leta di ka boela di sebediswa benefiting e ekeditsweng.
K: O lokela ho bolelwa ka ho botlalo ka mokgwa wa ho tleleima o leng melawaneng ya tshebetso le dipehelong.
P: Na nka bona Pholisi ya Sehlooho?
K: O na le tokelo ya ho bona Pholisi ya Sehlooho. Sena se etswa hangata ha o sa kgotsofala ke dikarabo tseo o di fuwang kapa o na le pelaelo ka motho ya o rekisetsang pholisi. Pholisi ya Sehlooho e lokela ho ba teng ofising e haufi le wena ya ditshebeletso tsa ditlelaente.
K: O ka hlakola pholisi ya hao matsatsing a 30 o lefile tefello ya hao ya pele e be o fumantshwa tjhelete ya hao ka botlalo ha o sa ka wa kenya tleleime ya lepato. Ka mora moo pholisi e ka hlakolwa nakong efe kapa efe, empa ditefello di ke ke tsa kgutliswa.
K: Hona ho ka etswa, empa o tla lokela ho tsebiswa hore hona ho tla ama jwang batho ba neng ba sireleditswe mabapi le tsohle tse ka hodimo. O lokelwa ho fuwa setifikeiti se setjha sa botho ke Underwriter / Khampani ya inshorense e ntjha. Ha o ikutlwa o se boemong bo lekanang kapa bo betere ho ba pele, o lokela ho iteanya le Underwriter / Khampani ya inshorense e ntseng e le teng ka potlako ka moo o ka kgonang.
P: Na ho etsahalang ha ke na le tletlebo kapa potso?
K: Wena kapa bajalefa ba hao le tshwanela ho lebisa dipotso tsa lona ho Underwriter / Khampani ya Inshorense. Ha o sa kgotsofala, o ka tlaleha tletlebo ho Ombudsman ya Inshorense ya Nako e Telele kapa Boto ya Ditshebeletso tsa Ditjhelete Financial Services Board FSB.
ELA HLOKO: Dintlha tse mabapi le Ombudsman le FSB di lokela ho ba Setifikeiting sa Botho mme hape di fumaneha le ka morao bukaneng ena e fanang ka lesedi.
